Калі хто раптам не ў курсе

a1b95f6742a1fed8eb9ec4218a1bcd66

Калі хто раптам не ў курсе. Збіваць жонку і дзяцей па сучасных беларускіх законах нельга. І ў адміністрацыйным, і ў крымінальным кодэксе ёсць каля дзясятка артыкулаў, якія прадугледжваюць адказнасць за гэта.

І ніхто не выступае за тое, каб іх адмяніць. Выступаюць супраць лявацкага законапраекта, які прапанаваў МУС, і які, дзякуй Богу, не будзе прыняты.

Вядома, ёсць факт, што тыя законы працуюць недасканала, і трэба ўдасканаліць іх прымяненне. І тут могуць, а нават і павінны мець месца заканадаўчыя новаўвядзенні.

Вядома, пра гэта павінны казаць спецыялісты. Я не спецыяліст, і праект зменаў у законы зараз тут не напішу. Аднак:

– На маю думку, трэба, каб МУС стварыў адмысловыя інструкцыі для міліцыянтаў – які парадак дзеяння пры выкліках адносна “хатняга гвалту”. Каб, калі чалавек б’е жонку – яго адразу выцягнулі з хаты і пасадзілі на Акрэсціна, як тое дазваляе дзейнае заканадаўства, а не казалі “мы нічога не можам зрабіць”.

– Магчыма, мае сэнс удасканаліць існуючую практыку вынясення “ахоўных прадпісанняў” – прадпісанне агрэсару часова пакінуць памяшканне, супольнае з ахвярай. Каб яго можна было вынесці не пасля суду, а адразу пры выкліку міліцыі, калі ў гэтым ёсць пільная патрэба.

– І трэба развіваць сетку прытулкаў, у якіх жанчына, якая ўцякла ад мужчыны-п’яніцы ці псіхапата, магла б пажыць нейкі час, ды дапамагаць грамадскім арганізацыям, якія б дапамагалі стаць на ногі.

А праекты, якія нясуць у сабе лявацкую і гендарную ідэалогію, нам непатрэбныя, бо маюць шкодны эфект. Яны вядуць па дарозе, якая можа прывесці да таталітарнага кантролю дзяржавы над сям’ёй.

Меркаванні аўтараў блогаў могуць не супадаць з меркаваннем рэдакцыі Krynica.info

шыталь

журналіст, грамадскі актывіст

06 кастрычніка 2018 | Блогі | Тэгі: , ,

Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты