Кастусь Шыталь: пачынаюцца спробы раскалоць беларускае грамадства па канфесійнай прыкмеце

2020-03-21-coronavirus115

31 жніўня адзін даволі папулярны расійскі сайт апублікаваў артыкул пад загалоўкам “противник Лукашенко признался в ненависти к православию”. У артыкуле змяшана ўсё ў кучу.

Нейкі хлопец з Гродна, удзельнік пратэстнай акцыі, быццам бы сказаў журналісту, што ён каталік і ён ненавідзіць праваслаўных. (Немагчыма, праверыць, ці была гэтая размова сапраўды, ці прыдуманая). Далей аўтар бэсціць каталіцкую супольнасць Гродна за тое, што яны выйшлі на ганак катэдральнага касцёла з раздрукаванымі цытатамі з Евангелля (на фота – плакат з цытатай з Мацвея. 5, 10) – маўляў, гэтыя плакаты з’яўляюцца “завуаляванай падтрымкай пратэстаў”.

Ну і далей аўтар цытуе ўкраінскага публіцыста Аляксандра Вазнясенскага, які кажа: “значительную роль в разжигании вражды в Белоруссии играют католики. И во многом эти процессы копируют украинский Майдан 2013−2014 годов. Точно так же, как на Майдане развивалась ненависть к Украинской православной церкви”. Таксама аўтар піша, што ў вёсцы Валяр’янава каля Мінска хтосьці напісаў на сцяне праваслаўнай царквы палітычныя лозунгі. Аўтар не сцвярджае, што гэта зрабіў чалавек каталіцкага веравызнання, але, відаць, хоча, каб чытачы так падумалі. Такімі вось прапагандысцкімі сродкамі навязваецца думка, што каталікі – ворагі праваслаўных. Артыкул перадрукавалі некаторыя лукашэнкаўскія выданні, у тым ліку газета “Новополоцк сегодня”.

У такой сітуацыі маўчанне праваслаўных іерархаў наконт забароны ўезда для каталіцкага мітрапаліта з’яўляецца маўклівай падтрымкай гэтага расколу грамадства. Калі праваслаўныя іерархі маўчаць – частка грамадства будзе думаць, што яны падтрымліваюць думку аб тым, што каталікі – ворагі. Калі б яны выказаліся – то выбілі б козыр з рук лукашэнкаўскіх і пуцінскіх прапагандыстаў, якія спрабуюць пасварыць беларусаў.

Меркаванні аўтараў блогаў могуць не супадаць з меркаваннем рэдакцыі Krynica.info

шыталь

журналіст, грамадскі актывіст

02 верасня 2020 | Блогі | Тэгі: , ,

Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты