Хрысціянскія фільмы. Бэн-Гур

бен-гурЗ сённяшняга дня ў рубрыцы «Хрысціянскія фільмы» пачынаем прадстаўляць вашай увазе фільмы, унесеныя ў 1995 годзе Папскай радай па масавых камунікацыях ў Ватыкане ў спіс лепшых узораў кінамастацтва. 45 фільмаў з спісу былі падзеленыя на тры катэгорыі па 15 карцін у кожнай: «Рэлігія», «Маральныя каштоўнасці» і «Мастацтва». Пачнем з рэлігіі.

Некаторыя з гэтых фільмаў, як, напрыклад, «Францішак» або «Чалавек на ўсе часы», Krynica.info ўжо прапаноўвала вашай увазе. На гэты раз мы раім паглядзець стужку «Бэн-Гур».

Эпічны кінафільм, зняты ў 1959 годзе паводле рамана амерыканскага пісьменніка Лью Уолеса, упершыню ў гісторыі кінематографа заваяваў «Оскары» ў 11 намінацыях. Зраўняцца з ім могуць хіба што «Тытанік» і «Уладар пярсцёнкаў: вяртанне караля».

Падзеі стужкі развіваюцца ў гады зямнога жыцця Хрыста – 20-30-я гады ў Юдэі і іншых частках Рымскай імперыі. Яе галоўны герой – багаты юдэй, праціўнік рымскага панавання Юда Бэн-Гур, якому пашчасціла сустрэць Ісуса.

Бэн-Гур / Ben-Hur

Краіна / год – ЗША / 1959

Рэжысёр – Уільям Уайлер

У ролях – Чарлтан Хестан, Стывен Бойд, Марта Скот

Меркаванні аўтараў блогаў могуць не супадаць з меркаваннем рэдакцыі Krynica.info

12 кастрычніка 2015 | Блогі | Тэгі:



Блогі