Хрысціянскія фільмы. Бекет

бекетЯк і ў апошнія разы, сёння ў рубрыцы “Хрысціянскія фільмы” прапануем вашай увазе фільм, заснаваны на рэальных падзеях. Стужка “Бекет” прысвечаная змаганню ў ХІІ стагоддзі караля Англіі Генрыха ІІ за абсалютную ўладу ў каралеўстве. Перашкаджала гэтаму толькі Каталіцкая Царква, якая на той момант была пануючай на Брытанскіх выспах.

Каб перамагчы адзіны асяродак свабоды ў Англіі, кароль вырашаецца прызначыць свайго блізкага сябра Томаса Бекета, з якім яны разам удзельнічалі ў папойках і распуснічалі, арцыбіскупам Кентэрберыйскім. І гэта пры тым, што той нават не быў святаром.

Але ж Бекет спадзяванняў манарха не спраўдзіў і стаў у абарону Царквы ад пасягальніцтваў свецкіх уладаў. Больш за тое, ён адмовіўся ад ранейшага ладу жыцця і стаў аскетам. Усё гэта выклікала рэзкую незадаволенасць Генрыха ІІ і прывяло да канфлікту паміж былымі сябрамі.

Гісторыя гэтага супрацьстаяння і адлюстравана ў фільме. “Валадарства Божае варта абараняць, як і любое іншае Валадарства”, – кажа галоўны герой стужкі, святы Томас Кентэрберыйскі.

Хаця ў фільме і ёсць пэўная доля аўтарскай фантазіі, як напрыклад прыпісванне арцыбіскупу англасаксонскага, а не нармандскага паходжання, ён вельмі яскрава апісвае змены, якія адбыліся ў Томасе Бекеце пасля яго прызначэння і яго барацьбу з каралеўскім усеўладдзем.

На ліку стужкі шэраг буйных кінаўзнагарод, у тым ліку: прэмія Нацыянальнай рады кінакрытыкаў ЗША, прэмія Брытанскага таварыства кінааператараў, прэмія “Оскар”, тры прэміі BAFTA, дзве прэміі “Залаты глобус” і іншыя.

Бекет (Becket)

Год / краіна – 1964 / Вялікабрытанія, ЗША

Рэжысёр – Пітэр Гленвіл

У ролях – Рычард Бертан, Пітэр О’Тул, Джон Гілгуд, Джына Чэрві

Меркаванні аўтараў блогаў могуць не супадаць з меркаваннем рэдакцыі Krynica.info

16 верасня 2015 | Блогі | Тэгі: , ,

Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты