Хрысціянскія фільмы. Цар

царНа гэтым тыдні ў рубрыцы хрысціянскія фільмы прадстаўляем вашай увазе расійскі фільм Паўла Лунгіна “Цар”, які распавядае пра падзеі ў Расіі ў часы дэспатычнага кіравання Івана Жахлівага.

Ключавой сюжэтнай лініяй фільма з’яўляюцца ўзаемаадносіны паміж царом і яго сябрам дзяцінства мітрапалітам Філіпам (Калычовым), які ўзначаліў Рускую Праваслаўную Царкву ў гады, калі апрычніна і рэпрэсіі ў Масковіі набылі найбольшы размах.

Нягледзячы на ​​шэраг гістарычных недакладнасцяў, фільм наглядна паказвае, якім павінна быць служэнне хрысціянскага біскупа і яго ўзаемаадносіны з дзяржавай. Нездарма пасля сваёй пакутніцкай смерці мітрапаліт Філіп (Калычоў) быў праслаўлены як свяціцель Філіп Маскоўскі.

Протадыякан Андрэй Кураеў адзначаў «гісторыясофскі і хрысціянскі» змест фільма. «Філіп атрымаўся тым, кім ён быў. Ён жа і ў рэальнасці клапаціўся пра гінучую душу Жахлівага. Яму была важная яго душа, а не веліч Расіі, якая не пяройдзе ў вечнасць. … І не здзіўляе рэакцыя патрыётаў. Калі чалавеку напляваць на Бога, то яму будзе каштоўны Іван Жахлівы, а не мітр. Філіп. Не выпадкова амаль усе патрыёты лямантуюць ад абурэння: «ды як можна Івана лаяць, калі ён забіў ўсяго толькі 4000 чалавек, калі на захадзе забівалі 72000?» Нагадаю, што вачах майго Госпада смерць аднаго нявіннага варта таго, каб разбурыць дзяржаву. У рэальнасці Жахлівы забіў куды больш. Я ўжо не кажу пра тое, што пасля Жахлівага тырана Расія спусцела і наступіла Смута – лагічны вынік беззаконня тых, хто асмеліўся слухацца бязбожнага тырана», – адзначаў цяпер памерлы святар Данііл Сысоеў.

Цар (Царь)

Год / краіна – 2009 / Расія

Рэжысёр – Павел Лунгін

У ролях – Пётр Мамонаў, Алег Янкоўскі, Іван Ахлабысцін, Аляксандр Дамагараў

Меркаванні аўтараў блогаў могуць не супадаць з меркаваннем рэдакцыі Krynica.info

08 верасня 2015 | Блогі | Тэгі: , , ,

Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты