Хрысціянскія фільмы. Дарога

дарогаКрыху раней мы ўжо рэкламавалі адзін з фільмаў, знятых па творах амерыканскага пісьменніка і драматурга Кормака Макарці – «Вячэрні экспрэс «Сансет Лімітэд»». На гэты раз прыйшла чаргу фільма «Дарога». Праўда, прапануем вам два ў адным: і фільм, і пакладзеную ў яго аснову аднайменную кнігу, якая дапаможа лепш і па-іншаму зразумець фільм і за якую аўтар ў 1992 годзе атрымаў Пулітцэраўскую прэмію.

«Дарога» – гэта аповяд пра жыццё ў часы катаклізмаў сапраўды біблейскіх маштабаў. Катаклізмаў, калі жывыя зайздросцяць мёртвым. Невядомая катастрофа загубіла не толькі цывілізацыю, але і ўсё жывое. Усе жывёлы вымерлі, дрэвы і ўсякая расліннасць загінулі. Каб выжыць, людзі дайшлі да крайнасці і пачалі есці адно аднаго.

У гэтых умовах Бацька і Сын вырашаюцца на адчайнае падарожжа на поўдзень, дзе не так халодна і, магчыма, яшчэ ёсць ежа. Падобна Майсею, Бацька вядзе Сына ў новую абяцаную зямлю, спрабуючы не толькі абараніць яго ў дарозе ад канібалаў, злодзеяў і гвалтаўнікоў, але і захаваць у ім святыню – агонь у сэрцы, зберагчы яго ад зла.

Аднак, нагадваем, фільм усё-ткі лепш глядзець у звязку з кнігай.

«Дарога» (The Road)

Год / краіна – 2009 / ЗША

Рэжысёр – Джон Хілкаўт

У ролях – Вiга Мортэнсэн, Кодзі Сміт-Макфі, Шарліз Тэрон

Меркаванні аўтараў блогаў могуць не супадаць з меркаваннем рэдакцыі Krynica.info

29 ліпеня 2015 | Блогі | Тэгі: ,



Блогі