Хрысціянскія фільмы. Папялушка: свабода ўнутры нас

папялушкаНа мінулым тыдні мы прапаноўвалі вашай увазе фільм “Сельма”, які распавядаў пра змаганне за грамадзянскія правы на чале з баптысцкім пастарам Марцінам Лютэрам Кінгам. Сёння ж мы прадстаўляем чарговы фільм пра ахвярнае служэнне хрысціянскіх пастыраў сваім вернікам – “Папялушка: свабода ўнутры нас”. Як і папярэдняя стужка, гэты фільм заснаваны на рэальных падзеях – змаганні палякаў з камуністычным рэжымам, ад якога ў роўнай ступені цярпелі як свецкія, так і духоўныя.

Галоўны герой фільма – каталіцкі пакутнік, бласлаўлёны ксёндз Ежы Папялушка (1947-1984). Ураджэнец беларускамоўнай сям’і з Беласточчыны, святар праславіўся сваёй рашучай антыкамуністычнай і нонканфармісцкай пазіцыяй. Яго казані, якія спалучалі духоўныя навучанні з крытыкай сітуацыі ў краіне, трансляваліся па Радые “Свабода”, а сам ён стаў капеланам галоўнай апазіцыйнай сілы ў Польшчы – прафсаюзу “Салідарнасць”.

Яго прыклад і рашучае супрацьстаянне камуністычнай хлусні, якія натхнялі тысячы людзей з усёй Польшчы, выклікалі нервовую рэакцыю ўладаў. Спробы прымусіць яго замаўчаць, ціск і затрыманні не адштурхнулі каталіцкага святара ад праўды, і тады рэжым вырашыў забіць вольналюбівага ксяндза.

Папялушка: свабода ўнутры нас (Popiełuszko. Wolność jest w nas)

Год/краіна – 2009/Польшча

Рэжысёр – Рафал Вячынскі

У ролях – Адам Варановіч, Марэк Францковяк, Збігнеў Замахоўскі

Меркаванні аўтараў блогаў могуць не супадаць з меркаваннем рэдакцыі Krynica.info

01 верасня 2015 | Блогі | Тэгі: , , ,



Блогі