Хрысціянскія фільмы. Уваскрасенне Хрыста

Пасля працяглага маўчання прапануем вам новы хрысціянскі фільм. На гэты раз – дэтэктыўную стужку “Уваскрасенне Хрыста”, якая выйшла ў 2016 годзе. Яна прапануе паглядзець на ўваскрашэнне з мёртвых Збавіцеля не вачыма Яго апосталаў і іншых паслядоўнікаў, а вачыма рымлян і юдэйскіх першасвятароў.

Пасля знікнення цела Ісуса Хрыста (па фільме – Іешуа) з магілы, рымскаму трыбуну Клавію даручаюць знайсці Яго і даказаць, што ніякага ўваскрасення не было, каб не бударажыць народ перад прыбыццём у Юдэю рымскага імператара. Аднак тое, што ён выяўляе падчас пошукаў, мяняе ўсё яго жыццё.

У фільме, як і ў любым мастацкім творы, ёсць шэраг недакладнасцяў і вялікая доля выдумкі адносна ролі і паводзін рымлян пасля ўваскрэсення, але ў цэлым ён дапамагае па-новаму зірнуць на падзеі 2000-гадовай даўніны, якія кардынальна змянілі гісторыю чалавецтва.

risenposter

Уваскрасенне Хрыста (Risen)

Год – 2016

Краіна – ЗША

Рэжысёр – Кевін Рэйналдс

У ролях – Джозэф Файнс, Том Фелтан, Пітэр Ферт, Кліф Кертыс.

Меркаванні аўтараў блогаў могуць не супадаць з меркаваннем рэдакцыі Krynica.info

11 чэрвеня 2016 | Блогі | Тэгі: , ,



Блогі