Хто я для цябе?

36915058_10156608176014669_9083331458482831360_n

Калі Бог выбраў Майсея сваім апосталаў Старога Запавету і з’явіўся яму ў Неапалімай Купіне, Майсей спытаў Яго «Хто Ты?» І сказаў Майсей Богу: «вось, я прыйду да сыноў Ізраілевых і скажу ім: «Бог бацькоў вашых паслаў мяне да вас» . А яны скажуць мне: «як Яго імя?» Што я скажу ім? Бог сказаў Майсею: «Я ёсць Існы».

«Ты ёсць Існы» адгукнулася рэхам у адважным, як хаджэнне па вадзе, на мяжы блюзнерства — адказе Пятра, першавярхоўнага апостала Новага Запавету, калі ён на пытанне Хрыста «хто Я ёсць? ці ведаеш Ты мяне?» вызнаў:» Ты Хрыстос, Сын Бога жывога! Я ведаю Цябе».

Пасля свайго ўваскрасення Хрыстос зноў гаворыць з Пятром, але на гэты раз Хрыста цікавіць не проста веданне і пазнаванне, Яго цікавіць не тое, што Пётр пра Яго ведае, але тое, што для Пятра гэта значыць. Ён высвятляе адносіны, пытаецца не пра Сваё быццё як такое, але пра Сваё быццё-для-Іншага: «ці любіш Ты мяне?» Напэўна, гэта самае страшнае, самае рызыкоўнае і самае важнае пытанне, якім апытваючы аддае сябе ў рукі таму, каму гэтае пытанне задае, бо «я існую, таму што я любімы» і «я любімы, таму я існую».

Меркаванні аўтараў блогаў могуць не супадаць з меркаваннем рэдакцыі Krynica.info

vasilevich

Праваслаўны публіцыст, тэолаг

16 ліпеня 2018 | Блогі | Тэгі: ,



Блогі