Пра назвы і абрэвіятуры

беларусьМяркую, ужываць абрэвіятуры РБ і ВКЛ ці ў самых ашчадных выпадках выключна Беларусь і Вялікае Княства (як мінімум) – пытанне трохі рытуальнае. То бок, СЛОВУ надаюцца ўласцівасці святыні. Разумею, “мне надо на кого-нибудь молиться» (цытую Акуджаву).

Патрэбу гэтую разумею, але маліцца на нейкія створаныя рэчы… – для гэтай з’явы ёсць панятак – ідалапаклонства. Паколькі ёсць Няствораны, якому аднаму належыць пакланяцца і служыць. Гэта догмат і хрысціянства, і ісламу, і юдаізму. У мяне няма пытання да тых, хто адносіць сябе да язычнікаў у тым, што яны пакланяюцца пэўным словам.

Усім нам знаёмае празмернае захапленне купаламі-цыбулінамі, пэўнымі формамі багаслужбаў, пэўнымі кніжкамі, пэўнымі карцінкамі, пэўнымі мовамі… У дадзеным выпадку да пералічаных прыкладаў ідалапаклонства, дадаецца асвятыньванне пэўнага набора літар. У той час, як іншым наборам літар для пазначэння таго ж панятка аўтаматам надаецца статус прыніжаючы, статус антысвятыняў: Белоруссія, Белая Русь, РБ…

Язычнікі, вашае права жыць самім па вашых правілах. Для неязычнікаў правілы іншыя. “Хоть горшком назові”, але пазбягай адбіраць нашую свабоду і свабоду іншых. Пакуль тая свабода не пагражае і не нападае, то бок, пакуль яна разам з любоўю і мераю. Ужываюць вакол нас слова Беларусь ці абрэвіятуру РБ – ад гэтага нашае асабістае стаўленне да Радзімы не павінна мяняцца. Ні адну з вышэйузгаданых назваў Радзімы няма сур’ёзных падставаў успрымаць як абразу ці прыніжэнне. За ўсімі тымі назвамі ёсць традыцыя, ёсць практыка прымянення, ёсць людзі, якія любяць Радзіму і так яе завуць. Калі людзей вакол якая назва спакушае і чапляе – добра, можна гэта ўлічыць і якіхсьці словаў ПРЫ ТЫХ ЛЮДЗЯХ пастарацца не ўжываць ці ўжываць менш. З узаемапавагі будзем дамаўляцца.

Вам гэтага дастаткова? Калі дастаткова – мы паразумеемся.

Меркаванні аўтараў блогаў могуць не супадаць з меркаваннем рэдакцыі Krynica.info

melnik

паэт-бард, журналіст, вернік, праваслаўны

25 ліпеня 2015 | Блогі | Тэгі:

Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты