Пятніца. Вечар. Выпадак на вакзале

даи

Еду на вуліцу Ленінградскую праз Кірава, першы раз пасля таго, як там забаранілі стаянку і ўезд аўто ў зону тралейбуснага прыпынку на прывакзальнай плошчы. Вісіць “цэгла”. Думаю я сабе (напэўна, як бландынка), што гэта для правай паласы, еду налева, а там таксама “цэгла”, уключаю аварыйку, а тут адкуль не вазьміся машына ДАІ намалявалася. Выходзіць гэты бравы даішнік, бярэ мае дакументы і строгім голасам кажа “Хадземце!”. Саджуся ў машыну ДАІ і нават не апраўдваюся, ведаю, што парушыла.

Кажа мне: “Штраф 2 базавыя”, а ў мяне ў кашальку 10 000 беларускіх і 20 даляраў. Я кажу, што заплаціць на месцы не магу, бо няма беларускіх грошай, толькі 20 даляраў. І тут гэты дзяржаўны муж кажа мне: “Давядзецца тады ў вас талон забраць, паедзеце ў ДАІ там пабольш штраф выпішуць і запіс у талон”. А я яму: “Дык а выхад яки, у мяне ўсё роўна няма чым яго цяпер аплаціць?”

А ён мне так спакойненька: “Дык я магу нічога і не пісаць”.

І тут на 5 секунд я задумалася, ува мне ў гэты час змагаліся 2 чалавекі: адзін, які не хоча запіс у талон і не хоча ехаць мудохацца ў ДАІ, і іншы, які кажа: “Якая ж ты пасля гэтага альтэрнатыва дзеючай уладзе, калі сама такая ж”.

І я яму кажу з горда паднятай галавой: “Вы, што мне хабар прапануеце даць, дык гэта не да мяне, пішыце пратакол!” Даішнік панікнуў, стаў такім негалоўным у нашай гутарцы, занерваваўся, стаў запаўняць свае паперкі. А я ўсміхалася. І адчувала, што зрабіла ўсё правільна.

І такі заплаціла я штраф 3 базавыя ў бюджэт. І напакутвалася з гэтым ДАІ. Але ні разу не пашкадавала, што не заплаціла даішніку.

Правільны выбар – гэта несці адказнасць за свае дзеянні.

А няправільны – патураць сваімі дзеяннямі хабарніцтву і карупцыі.

З днём міліцыі! Няхай яна будзе сумленнай. Гэта залежыць і ад нас.

Меркаванні аўтараў блогаў могуць не супадаць з меркаваннем рэдакцыі Krynica.info

кавалькова

Каардынатар Мінскай гарадской арганізацыі аргкамітэту па стварэнні партыі «Беларуская хрысціянскай дэмакратыя». Нарадзілася 26 студзеня 1984 года ў Мінску. Беларуска. Адукацыя вышэйшая, юрыст. Кіраўнік кампаній па зменах заканадаўства «У абарону жыцця» і «Абаронім нашых дзяцей ад алкаголю». Падчас гэтых кампаній было сабрана больш за 60 000 подпісаў, іх вынікам сталі заканадаўчыя змены – увядзенне права лекара адмовіцца ад правядзення аборту, абавязковае псіхалагічнае кансультаванне жанчын, адмена 8 з 10 сацыяльных паказчыкаў для правядзення абортаў, абмежаванне часу продажу алкаголю і забарона нагляднай рэкламы алкагольнай прадукцыі пад выглядам пітной вады.

05 сакавіка 2016 | Блогі | Тэгі: , , ,



Блогі