Рускія турысты ў Беларусі

мінскНабліжаецца новы турыстычны сезон, і хочацца распавесьці вам аб сваім вопыце працы з рускімі турыстамі і турыстычнымі групамі, якія прыязджаюць наведаць Беларусь. Сам я працую гідам ад 2008 году, і за гэты час накапіліся сякія-такія назіраньні, якімі і хачу з вамі падзяліцца.

Актуаліі беларускага турызму такія, што 80 адсоткаў турыстычных груп беларускага экскурсавода – расіяне. Гэта наўрад ці вельмі добра – настолькі залежыць ад зьнешняга попыту, але маем тое, што маем, і мусім менавіта з гэтым працаваць. Прычым мы не адзіная такая краіна – часткова такая сітуацыя ва Ўкраіне, Польшчы, Чэхіі, Фінляндыі і Прыбалтыцы. Сьветлая надзея на беларусаў, украінцаў і палякаў, канешне, заўжды ёсьць – вось як устануць ды як паедуць, але пакуль такое не зафіксавана. Беларусаў езьдзіць канешне багата, але гэта часьцей садкі-школы-карпаратывы, астатнія, відаць, вандруюць самі, не карыстаючыся паслугамі гідаў, што сумна.

Праца з рускімі групамі, безумоўна, мае свае асаблівасьці – гэта і больш простае выкладаньне ім нашай гісторыі, бо шмат чаго яны чуюць упершыню, і адстойваньне менавіта беларускага позірку на гісторыю, бо, як вучылі мяне яшчэ на курсах экскурсаводаў, мы прэзентуем краіну і гісторыю зь беларускім пунктам гледжаньня, а ня рускі варыянт нашай жа гісторыі. Часам гэта канешне канфліктна – ВКЛ, РП, Расійская імперыя, СССР, 17 верасьня, Віскулі і г.д., але ж мусім працаваць і спакойна тлумачыць беларускі погляд на гэтыя падзеі. Расіянам заўжды цікава слухаць і зьдзіўляцца, чуючы пра беларусаў, якія сталі знакамітымі за мяжой – Агінскі, Міцкевіч, Дамейка, Касьцюшка і г.д.

Тэмы, якія варта асьцярожна закранаць у працы з такімі групамі – спадчына Расійскай імперыі і СССР, бо тут хутчэй за ўсё позіркі гасьцей будуць супрацьлеглыя ўласным, таму прасьцей і правільней тут не спрачацца, а цікава распавядаць – слухаць іншыя меркаваньні групы часьцей за ўсё ў стане. У сувязі з апошнімі сумнымі падзеямі лепей не абмяркоўваць Украіну.

Турысты з Расіі таксама бываюць рознымі – спартсмэны, настаўнікі, школьнікі, і калі знаходзіш да групы падыход, наладжваеш кантакт – атрымліваецца паказваць ім не краіну дранікаў, бульбы і зуброў, а велічную краіну-спадкаемцу Вялікага Княства Літоўскага, Рэчы Паспалітай і тысячагадовай культуры і гісторыі, якой мы і зьяўляемся.

Меркаванні аўтараў блогаў могуць не супадаць з меркаваннем рэдакцыі Krynica.info

дзюсекаў

Каталік. Нарадзiуся у Мінску, скончыу БДПУ iмя М. Танка. Гiсторык, палiтолаг, экскурсавод. Заснавальнiк праекту дабрачынных экскурсiй па Мінску “Вандроўкi ў мінулае”.

19 траўня 2015 | Блогі | Тэгі: ,

Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты