Восень ветрам нас выганяла

IMG_7367_11Восень ветрам нас выганяла
З нашых двароў, з вуліц нашых.
Чужая душа роднай не стала.
І свая сышла, без вестак прапаўшы.

Дрэвы шапталі ў Купалы парку:
“Сядзь на лаўку, давай абмяркуем”.
Саджуся, і з імі ўступаю ў сварку.
Да неба – хачу. Адарвацца – баюся.

Горкія слёзы маёй Беларусі
Ўпалі на дол, пакаціліся лісцем.
Па жоўтым стале, як па жоўтым абрусе,
Крочылі думкі, шукалі выйсце.

Мова ішла на пляцы, на плошчы,
Але на кухнях яна замаўкала.
Нехта павінен стаяць да апошняга,
Гэта я, гэта ты. І нас нямала.

12.03.15

Меркаванні аўтараў блогаў могуць не супадаць з меркаваннем рэдакцыі Krynica.info

Nina

Журналіст, паэт.
Самая нелюбімая фраза: “А давай ты напішаш пра мяне артыкул”.
Самая шануемая цытата: “Вялікія воды не могуць патушыць любові, і рэкі не зальюць яе. Калі б хто даваў усе багацці дома свайго за любоў, ён быў бы адрынуты з пагардай” (Песні Песняў 8:7).

06 лістапада 2015 | Блогі | Тэгі: , ,



Блогі