U Kaladny światy wiečar

6bd87-clip-107kb

КРЫНІЦА.INFO працягвае публікацыю матэрыялаў сваёй папярэдніцы – беларускай газеты «Krynica», што выдавалася ў 1917-1940 гадах спачатку ў Петраградзе, затым часова ў Менску і, нарэшце, у Вільні. Газета выдавалася кірыліцай і лацінкай. На гэты раз прадстаўляем вашай увазе матэрыял ад 21 снежня 1925 года. Публікуем матэрыялы на мове арыгіналу.

U Kaladny światy wiečar

U Kaladny światy wiečar mnoha dumak dziŭnych, niawiedamych, mnoha pačućciaŭ hłybokich i tajomnych rodzicca ŭ dušy čaławieka.

U Kaladny światy wiečar, kali na siale ŭsio zamrу i kruhom zapanuje cišynia niamaja, — chlebarob sielanin, razłažyŭšy sienca na stale i zasłaŭšy jaho čystym abrusom, zasiadaje Kućciu jeści.

Zasieŭšy, Bohu dziakuje za prabyty hod i hadaje-warožyć ab zaūtrašnim dni, ab tym, što jaho i jaho siamiejku čakaje.

Poŭnaja tady haława sielanina našaha razwahi i zadumy hłybokaj.

Dumaje tady jon, jak jamu prajści padarož żyćciowuju, jak zmahacca z worahami dušy jaho i cieła.

A ū Kaladny światy wiečar prypadaje pamiatka naradzinaŭ Taho, Što zło pakanaŭ, Što jasnuju ludziam darohu pakazaŭ…

U Kaladny światy wiečar uwieś świet chryścijanski światkuje Chrysta Boha naradziny, da katoraha biełaruski sielanin maje mnoha i duża mnoha wiery i łubowi. Dyk ničoha dziŭnaha, što ū światy Kaladny wiear čujecca jon uračysta i niazwyčajna, poŭny razwahi i zadumy.

A dumać jość ab čym! I tolki ú wažny čas třeba wažnyja dumki dumać.

U światy Kaladny wiečar i my dałučajemsia da dumak našaha rodnaha sielanina, ražam z im adnolkawyja dumki dumajem, ražam z im snujom pažadaňni ab lepšaj budučynie, ab ščaści, ab doli.

U światy Kaladny wiečar ad duśy žadajem swajmu bratu sielaninu, kab pad jaho strachu zawitała „Biełaruskaja Krynica“, kab haścinna była tam pryniata i kab tarnawała darohu da światła, da woli. Kab wočy usim sonnym i ciomnym pramywała i da žyćcia budziła.

U światy Kaladny wiežar ad duśy žadajem, kab u ciažkim žyćci sialanskim sprawiadliwaść zapanawała, kab kryŭda i niadola zhinuła z ziamielki našaj.

U światy Kaladny wiečar ad dušy rodnym ziemlarobam žadajem, kab bolš było u našaj staroncy łubowi swajej mowy biełaruskaj i swajej narodnaści, i bolš stojkaści ŭ zmahańni z usiakaj siłaj złoj i niahodnaj…

A što treba imknucca da hetych ideałaŭ i što treba i mošna zdabyć ich, świedčyć nawuka Taho, katoraha u Kaladny światy wiečar naradziny światkujem i katory ū Kaladnaj cišynie tak wymoŭna pramaŭlaje da siaIanskaj, kachajučaj Jaho dušy harotnaj…

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
23.12.2015 | Тэгі:




Блогі