Chrystus paŭstaŭ z umioršych, Alleluja!

fd6fb-clip-104kb

Krynica.info працягвае публікацыю матэрыялаў сваёй папярэдніцы – беларускай газеты «Krynica», што выдавалася ў 1917-1940 гадах спачатку ў Петраградзе, затым часова ў Менску і, нарэшце, у Вільні. Газета выдавалася кірыліцай і лацінкай. На гэты раз прадстаўляем вашай увазе матэрыял ад 25 сакавіка 1921 года. Публікуем матэрыялы на мове арыгіналу.

Chrystus paŭstaŭ z umioršych, Alleluja!

Dumki, pad henymi sławami ŭkryty, lotam ptuški pyšnakrylaj, hukam zwonu tajomnaho dalatajuć da kožnaj dušy čaławiečaj. Z umioršych paŭstańnie Boha Čaławieka – zarodak, asnowa Wiečnaho Žyćcia, załoh Woli Ducha Ludzkoho, symbol abnaŭleńnia suświetu.

Miłaje lubaje soniejka, z niepaścihłych zapasaŭ ciapłaty swajej, hreić ściužaj i lodam skawanuju ziamielku. I čaradziejskaja moc jahonych pramieńniaŭ ahrawajeć usio abmierzłaje, zbudžaje so snu ŭsio spiačaje, da žyćcia kliča ŭsio biazžyćciowaje. Abručy ledzianyja łopajucca pakorna i mutnoju wadzičkaj u hłyb marskuju niasucca; praleski, kraski wiasnawyja, z ziamielki wychodziać i swajej małažliawaj hałoŭkaj padziačna soniejku kiwajuć; ptuški ščabiatuchi piajuć bojka i wiasioła: wiasna, wiasna! Pryšło świata paŭstańnia ŭsiaho z umioršych!

Z światam z umioršych Chrystusa paŭstańnia, z wiasny prychodam, z światam paŭstańnia z umioršych usiej pryrody, karona jaje – čaławiek taksama ažywaje, taksama adnaŭlajecca, taksama paŭstaje da nowaha žyćcia. Z paŭstańniem z umioršych Boha-Čaławieka i ŭsiej pryrody, paŭstajuć časta z umioršych, a čaściej doŭhaha snu dahetul tajomnyja, ale mahutnyja siły dušy čaławieka. Niespakoj duchowy, sum trywožna-dalikatny, nowyja natchnieńnia, nadzieja, pažadańnia niečaho daliokaho, niabiesnaho – dokazy prabudy nowych sił duchowych čaławieka.

Paŭstańnie z umioršych Boha-Čaławieka, a z Im usiej pryrody, swajej mocaj budzić da žyćcia, snom śmiarotnym zmoranyja, narody. Daremna tut pracy ducha złoha, siły ciomnaj zdušyć świetlaje, žyćciowaj mocy poŭnaje, adradžeńnie, paŭstańnie z umioršych rožnych maładych narodaŭ i našaho Narodu Biełaruskaho.

Biełaruski, šmat pakutny, žywučy Narodzie! Šmat ty ściarpieŭ ździeku i niawoli, šmat na śpinie swajej źnios Ty kryŭdy, šmat daremna raźliŭ Ty krywi – śloz swaich, šmat staptaŭ łapcioŭ Ty, šmat kaściej swaich raskinuŭ Ty na čužynie, šmat wiakoŭ Ty byŭ, kazaŭby, pamioršy, šmat wiakoŭ nie adzin wiasnawy žyćciowy pramieńčyk nie dakranuŭ akalełaho cieła twaho… A wot-ža nastała Para! Ciopłyja, wiasnawyja pramieńni paŭstańnia z umioršych Chrystusa, skranuli ciabie so snu, Bielaruski Narodzie, da poŭnaści Žyćcia, da praŭdziwaj Wiasny Ciabie skirawali!
Huk zwanoŭ światočnych, ščabiatańnie ptušak kryłatych, šum ručjoŭ wiasiołych, wiasnawy śpieŭ i radaść świetu – na čeść Twaju, naša słaŭnaja Maci-Biełaruś, na čeść Twaho za wolu Ducha Swajho zmahańnia…

Chrystus paŭstaŭ z umioršych, Alleluja!

M.Krywičonak (Branisłaŭ Turonak)

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
27.03.2016 | Тэгі:


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты