Жывая Біблія! – Вядомая мабільная гульня па Бібліі з’явілася па-беларуску

На гэтых выходных выйшаў першы ў Беларусі біблійны мабільны дадатак для дзяцей па-беларуску.  Праграма ад кампаній YouVersion i OneHope, якую ўжо спампавалі 10 мільёнаў чалавек па ўсім свеце, цяпер дасяжная і беларусам.

Што і як

Праграма зроблена як падарожжа з сорак адной анімаванай інтэрактыўнай біблійнай гісторыі са Старога і Новага Запаветаў. Дзеці прачытаюць пра такіх герояў веры, як Абрагам, Данііл, Ілля, і, натуральна, Добрую вестку Ісуса Хрыста. Персанажы рухаюцца, размаўляюць і ажыўляюць Біблію для маленькіх чытачоў: апостал Павал сапраўды трапляе ў шторм, Ной будуе каўчэг, а Госпад Ісус падымае паралізаванага.

Яркія колеры і выдатная графіка прыцягваюць увагу, тры ці чатыры пытанні ў кожным аповедзе дапамогуць запомніць ісціны Пісання, а гульня ў канцы – замацаваць прачытанае.

Дзіцячую Біблію можна не толькі чытаць, але і слухаць: усе гісторыі на беларускую мову агучаны Паўлам Харланчуком. Пераклад і запіс зрабіла кампанія Кінаконг.

Водгукі бацькоў

— Нам спадабалася гульнявая форма, схаваныя цікавосткі, што даюць атмасферу адкрыцця, прыемны голас агучкі, пытанні на замацаванне, — кажа Надзея Гарэцкая, маці траіх дзяцей. — А яшчэ магчымасць прайсці праз усю Біблію, як праз падарожжа.

— Біблія для дзяцей — вельмі цудоўная праграма. На жаль, раней даводзілася слухаць па-украінску. Дзеці былі ў захапленьні, што нарэшце могуць слухаць і чытаць па-беларуску. Прыемна, што агучана добра знаёмым ім голасам Паўла Харланчука — «беларускага Пэтсана». Вельмі годны падарунак для нашых дзетак з нагоды 500-годдзя беларускай Бібліі, — дзеліцца Вераніка Шкабара, маці траіх дзяцей.

Узрост і дзе знайсці

Дадатак разлічаны на дзяцей 6-8 год, але будзе цікавы і больш маленькім.

Спампаваць праграму можна праз Play Store ці па спасылцы.

Усю Біблію па-беларуску можна чытаць праз дадатак Bible App.

Тэкст Надзеі Кім

Screenshot_20180818-155237 Screenshot_20180818-155201 Screenshot_20180818-155539 Screenshot_20180818-155852 Screenshot_20180818-154259 Screenshot_20180818-155918

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
20.08.2018 | Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты